Kryetari i komunës së Rahovecit, z. Smajl Latifi ka takuar të premtën në zyrën e tij nxënëset që i dhanë dritë shkollave të tyre duke zënë vendet e para në garën komunale në lëndën e fizikës. Ai i shoqëruar nga Drejtori për Arsim, z. Avni Morina dhe mësimdhënësit e nxënësve, përjetuan një moment frymëzimi dhe krenarie.
Nxënësit fitues të garave, që u nderuan me mirënjohje për suksesin e arritur:
Erza Kastrati – klasa IX, ShFMU “Heronjtë e Kosovës” në Hoqë të Vogël
Herisa Shehu – klasa X, ShML “Xhelal Hajda-Toni” në Rahovec
Anisa Nalli – klasa XI, ShML “Ukshin Hoti” në Krushë të Madhe
Suela Krasniqi – klasa XII, ShML “Ukshin Hoti” në Krushë të Madhe
Puna e tyre e palodhur dhe përkushtimi për dijen janë shembull për të gjithë bashkëmoshatarët.
Kryetari Latifi i përgëzoj edhe mësimdhënësit për angazhimin dhe uroj nxënësit për suksese të reja në garat republikane që do të mbahen të shtunën me 25 janar.