Liria është vepër e përjetshme, që mbahet gjallë nga kujtimi dhe nderimi

20/11/2025 Institucionet

Në kuadër të aktiviteteve të festave të Nëntorit, Organizata e Veteranëvë të Luftës së UÇK-së- dega në Ferizaj së bashku me Drejtoreshën për Kulturë, Rini dhe Sport, znj. Xhemile Murati – Shabani, vizituan shkollën e arteve “Çesk Zadeja” në Ferizaj, ku nga afër panë punimet artistike që do t’u dhurohen Familjeve të Dëshmorëve të Komunës së Ferizajt, në kuadër të aktivitetit “Mirënjohje për Lirinë” – një simbolikë e veçantë kushtuar të gjitha Heroinave të Familjeve të Dëshmorëve.

OVL-UÇK falënderon profesorët dhe nxënësit e shkollës për punën e tyre të vyer, si dhe Komunën e Ferizajt për gatishmërinë dhe mbështetjen e pandalshme në nderim të luftës së UÇK-së.

Ky aktivitet është vazhdimësi e nismës së mëhershme “Gratë që bënë histori”, ku u nderuan Veteranet e UÇK-së me dhurata simbolike, një mirënjohje modeste për rolin e tyre të pazëvendësueshëm në lirinë që po gëzojmë.

Lavdi e përjetshme Dëshmorëve të Kombit!

Shpërndarja e dhuratave do të bëhet më 28 Nëntor 2025, thuhet në njoftimin e Organizatës së Veteranëvë të Luftës së UÇK-së – dega në Ferizaj.

Kontrolloni gjithashtu

Kryetari Smajl Latifi mori pjesë në një panel diskutimi organizuar nga “SHL-KOSOVA” dhe “RYCO”

Në mjediset e SHL-KOSOVA, kryetari i komunës së Rahovecit, z. Smajl latifi me udhëheqësin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara