Malisheva shënoi nëntë vjetorit e Pavarësisë

18/02/2017 Institucionet

Komuna e Malishevës, përmes aktiviteteve të ndryshme, ka shënuar nëntë vjetorin e Shpalljes së Pavarësisë së Republikës së Kosovës. Aktivitetet e Komunës së Malishevës, filluan me mbajtjen e një seance solemne të Kuvendit të Komunës së Malishevës, ku fjalë rasti kanë mbajtur, Kryetari i Komunës së Malishevës, Ragip Begaj, kryesuesi i Kuvendit të Komunës të Malishevës, Aziz Thaçi dhe kryetari i Shoqatës së Veteranëve të Luftës së UÇK-së, Metush Kryeziu.

Në këto fjalime të rastit, u vlerësua sakrifica e popullit shqiptar të Kosovës, në përpjekjet për liri dhe shtetësi. Në këtë drejtim, edhe përpjekjet dhe kontributi i Malishevës, në luftën për liri dhe për shtet, si përpjekjet për zhvillim, u vlerësuan lartë, ku kontributi i Malishevës, ishte i jashtëzakonshëm, sidomos në luftën e Ushtrisë Çlirimtare të Kosovës.

Aktivitetet e Komunës së Malishevës, kanë vazhduar sipas agjendës, me homazhe dhe nderime te shtatorja e Komandantit Legjendar të UÇK-së, Adem Jashari, në “Sheshin e Dëshmorëve” në Malishevë, pastaj homazhe në varrezat e dëshmorëve në Malishevës, nderime dhe homazhe në Prekaz, si dhe homazhe në varrezat e dëshmorëve në Kleçkë.

Më pas, në parkun e qytetit në Malishevës, është organizuar një koncert i madh, me artist nga Komuna e Malishevës dhe me artist nga estrada kosovare, ndërsa nga ora 15:00, është luajt edhe finalja në turnirin në futsall.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara