Në Ferizaj u mbajt mbledhja e Mekanizmit Koordinues kundër dhunës në familje

05/05/2021 Institucionet

Në ambientet e Komunës së Ferizajt u mbajt takimi i Mekanizmit Koordinues kundër Dhunës në Familje, mekanizëm ky që përfaqësohet nga zyrtarë komunal, të institucioneve të sigurisë dhe drejtësisë, institucione shëndetësore, të kujdesit social dhe të tjera, e që për synim ka koordinimin ndërinstitucional për luftimin e këtij fenomeni. Në këtë mbledhje u diskutua riaktivizimi i këtij mekanizmi me ç’rast u zgjodh koordinator i saj, Nënkryetari i Komunës, Arton Gavazi që njëherit drejtoi këtë takim. Temë tjetër ishte organizimi i trajnimeve përkatëse me mbështetjen e OSBE-së lidhur me këtë fushë si dhe plani strategjik dhe i veprimit për parandalimin e dhunës në familje. Gjithashtu nga ky takim u bë e ditur se është në proces nënshkrimi i memorandumit të bashkëpunimit në mes Komunës së Ferizajt me Komunat Shtime, Kaçanik, Hani i Elezit, për të ndihmuar strehimoren regjionale të Ferizajt, e cila strehimore strehon personat që përjetojnë dhunë në familje. Në këtë takim përveç të ftuarve tjerë mori pjesë edhe znj. Aneta Silyavska, Këshilltare për të Drejtat e Njeriut- Departamenti për Ligj dhe Drejtësi nga OSBE.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara