Në Rahovec u mbajt mbledhja e Këshillit Komunal për Siguri në Bashkësi, e pesta e rregullt për vitin 2025.
Kryetari i komunës, njëherit edhe kryesues i këshillit z, Smajl Latifi, duke i përshëndetur të gjithë të pranishmit, theksoi se situata e përgjithshme në territorin e komunës së Rahovecit në bazë të argumenteve dhe burimeve që i posedojnë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së.
Në këtë mbledhje ishin të ftuar edhe drejtorët e shkollave fillore dhe të mesme, për takim të përbashkët.
Në përgjithësi në këtë mbledhje u shtjelluan këto çështje:
Vlerësimi i përgjithshëm i gjendjes së sigurisë në territorin e komunës së Rahovecit,
Siguria në trafik,
Raportimi dhe parandalimi i dhunës në familje;
Organizimi i fushatave vetëdijesuse përmes aktiviteteve rekreative-kulturore, për përmirësimin e komunikimit ndëretnik dhe ndërfetar;
Informatë nga Drejtoria për Shërbimeve Publike lidhur me mirëmbajtjen e rrugëve dhe të trotuareve për sezonin e dimrit;
Mbrojtja e ambientit në komunën e Rahovecit;
Siguria dhe kontrolli i produkteve ushqimore;
Komandanti i Stacionit Policor – Rahovec, kapiteni z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:
7 plane operative, 54 vepra penale, 10 raste vjedhje, 3 raste me para falco, 7 raste të kanosjes, 2 raste të substancave narkotike dhe 5 raste të dhunës në familje.
Gjatë kësaj periudhe janë arrestuar 28 persona – prej tyre 18 persona në mbajtje 48 orë.
Sa i përket sigurisë në komunikacion: Janë dhënë 25 gjoba në komunikacion për vozitje pa patent shofer, 86 gjoba janë shqiptuar për parking joadekuat, 21 gjoba për përdorim të telefonit gjatë vozitjes dhe 3 gjoba për prishje të rendit dhe qetësisë publike.
Në shkollat e komunës së Rahovecit, gjatë kësaj periudhe janë realizuar 33 pika kontrolli. Paraprakisht ka ndodhur një rast i kanosjes në shkollën e Kramovikut.
Në fund të mbledhjes, kryetari Latifi i falënderoi të gjithë anëtarët e Këshillit Komunal për Siguri në Bashkësi për kontributin dhe angazhimin e tyre.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
