leoni

NËNTOGER FLORA THAQI – shembull i vajzave që i shërbejnë vendit me nder dhe krenari

05/08/2025 Institucionet

Kryetari i komunës së Rahovecit, z. Smajl Latifi ka pritur në takim Nëntoger Flora Thaqi nga Kramoviku, gruan e parë në komunën e Rahovecit, e cila diplomoi në Akademinë Ushtarake të Forcave të Armatosura të Shqipërisë.

Në postimin e tij në facebook kryetari Latifi ndër të tjera ka shkruar:

“Pata kënaqësinë ta pres në zyrën time Nëntoger Flora Thaqi nga Kramoviku, gruan e parë në komunën tonë, e cila diplomoi në Akademinë Ushtarake të Forcave të Armatosura të Shqipërisë, duke dëshmuar përkushtim, vendosmëri dhe disiplinë të lartë, virtyte që e kanë shoqëruar në çdo hap të këtij rrugëtimi të vështirë por fisnik.

Në shenjë respekti, i dhashë një mirënjohje me motivacionin:

“Për suksesin gjatë studimeve, për përkushtimin, për disiplinën, si dhe për avancimin në karrierën ushtarake me gradën e parë të oficerit: NËNTOGER, pas diplomimit në Akademinë Ushtarake të Forcave të Armatosura të Shqipërisë”.

Flora është dëshmi se forca e gruas nuk njeh kufij, as në uniformë, as në ideal. Ajo është frymëzim për të rinjtë tanë dhe krenari për komunën tonë.

I uroj sukses të vazhdueshme në misionin e saj ushtarak dhe i qëndroj gjithmonë pranë në çdo hap të rrugëtimit profesional e atdhetar!

Kontrolloni gjithashtu

Fatmir Limaj: Vazhdojmë +4 me Ekrem Kastratin për Malishevën Urbane që na bashkon!

Kryetari i Nismës Socialdemokrate, z. Fatmir Limaj të martën me shumë krenari, njoftoj rikandidimin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara