Paralajmërim për rrezikun nga zjarret gjatë temperaturave të larta

04/07/2025 Institucionet

Drejtoria e Shërbimeve Publike dhe Emergjencave e Komunës së Ferizajt, duke marrë parasysh rritjen e temperaturave dhe kushtet klimatike me thatësirë të madhe, paralajmëron qytetarët për rrezikun e shtuar nga zjarret në ambientet e hapura.

Në këtë kontekst, u bëjmë thirrje të gjithë qytetarëve që të përmbahen nga çdo veprim që mund të shkaktojë zjarrvënie, përfshirë:

Ndezjen e zjarreve në ara, livadhe, pyje apo afër zonave të banuara

Djegien e mbeturinave, barërave të thata apo materialeve të tjera në hapësira të hapura

Përdorimin e pakontrolluar të pajisjeve për gatim ose ngrohje në natyrë.

Njoftojmë se ndezja e zjarreve në këto kushte paraqet rrezik të drejtpërdrejtë për jetën, pronën dhe ambientin, dhe mund të çojë në pasoja të rënda për sigurinë publike.

Në rast të zjarrit apo shenjave të rrezikut, kërkojmë që qytetarët të njoftojnë menjëherë:

Brigadën e Zjarrfikësve – 193

Policinë e Kosovës – 192

Drejtorinë e Shërbimeve Publike dhe Emergjencave – 048 111 161

Apelojmë për vigjilencë dhe përgjegjësi qytetare nga të gjithë, me qëllim të mbrojtjes së jetës, pronës dhe mjedisit në territorin e Komunës së Ferizajt.

Me respekt,

DREJTORIA E SHËRBIMEVE PUBLIKE DHE EMERGJENCAVE

Komuna e Ferizajt

Kontrolloni gjithashtu

U mbajt takimi përmbyllës i dëgjimeve buxhetore publike për hartimin e buxhetit komunal për vitin 2027.

Në sallën e Kuvendit Komunal të Skenderajt, të premtën me 4 shtator 2026 u mbajt …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara