Përkujtohen 106 të vrarët në Pastaselë

31/03/2016 Institucionet

Masakra e fshatit Pastaselë të Komunës së Rahovecit është  një nga masakrat më te tmerrshme që kanë bërë forcat kriminale serbe gjatë luftës së Kosovës të vitit 1999. Në këtë masakër janë vrarë  dhe  masakruar 106 persona nga fshati Pastaselë dhe fshatrat tjera për rreth. Edhe sot e kësaj dite nga kjo masakër ende ka familjarë që kërkojnë ti kthehen trupat e më të dashurve të tyre të cilët edhe pas 17 vitesh figurojnë të pagjetur.

Në tubimin përkujtimor një fjalë rasti mbajti z.Idriz Vehapi, Kryetar i Komunës së Rahovecit, ku ndër të tjera  tha se Historia e fshatit tuaj dhe fshatrave tjerë që patën fatin e njëjtë, nuk mbaroi me kaq, sepse ju u kthyet sërish për të nisur jetën aty ku e kishit lënë, por kësaj radhe pa më të dashurit tuaj. Mes dhimbjesh, mblodhët fuqinë dhe ndërtuat shtëpitë, rritët fëmijët, vazhduat jetën. Të dashurit tuaj, sikur të gjithë ne, kishin ëndërruar pafund për lirinë. Ata u bënë themel i lirisë dhe i shtetit të Kosovës. Në fund, dua të theksoj se Marsi nuk solli vetëm dhembje për ne. Marsi solli edhe shpresën e madhe. I solli në vendin tonë miqtë tanë më të fuqishëm NATO-n, ShBA-në, pasi që bashkësia ndërkombëtare ishte bindur se shqiptarët historikisht nuk e kanë lëshuar kurrë vendin e tyre pa luftë, e nuk do ta lëshon të gjallë as tani.

Për masakrën e cila është bërë nga forcat serbe me 31 mars 1999, Arton Krasniqi, banor i fshatit Pastaselë, i cili tha se kjo është njëra ndër masakrat më të mëdha, dhe më çnjerëzore  që është bërë gjatë luftës së vitit 1999, duke mos kursyer as pleq dhe fëmijë. Në këtë masakër përpos vrasjes dhe masakrimit nga forcat serbe, të vrarët më pastaj edhe janë djegur.

Në këtë masakër kanë mbijetuar 13 persona, Tahir Krasniqi, i mbijetuar nga masakra e bërë me 31 mars të vitit 1999, tregoj për tmerrin e përjetuar ku tha se pasi që i kanë rrethuar, paramilitarët serb kanë filluar ti rrahin në mënyrën më barbare. Pas rrahjes, forcat serbe i kanë ndarë në grupe nga 30 persona dhe me pastaj kanë filluar ti pushkatojnë.

Në tubim foli edhe drejtori i shkollës fillore në Guri i Kuq, Maliq Fetahu, i cili njoftoi të pranishmit se shkolla e këtij fshati mban me krenari emrin e datës 31 mars, në shenjë të përkujtimit të përjetshëm për 106 martirë, i cili falënderoi kryetarin Vehapi për përkrahjen e kësaj iniciative.

Nga një fjalë rasti në këtë përvjetor mbajtën edhe z. Avdullah Hoti, ministër  i Financave dhe znj. Time Kadriu, deputete në Kuvendin e Republikës së Kosovës.

Për vrasjen dhe masakrimin e 106 martirëve, deri me tani nuk është dënuar asnjë serb që ka marrë pjesë në masakrën e fshatit Pastaselë.

Kontrolloni gjithashtu

Deçani nderon me titullin “Qytetar Nderi” mikun e madh të Kosovës, John Paul Mulhall – Polin!

Sot, në seancën solemne të Kuvendit Komunal të Deçanit, kryetari i Komunës, z. Bashkim Ramosaj, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara