Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Rahovec në 50-vjetorin e lindjes së dëshmorit Skender Gashi, u bë promovimi i monografisë “Deri në frymën e fundit “, e autorit Qemajl Krasniqi. Në përurimin e kësaj monografie ishte i pranishëm edhe kryetari i komunës së Rahovecit Smajl Latifi, i cili u paraqit me një fjalë rasti para të pranishmëve. Kjo monografi përmbledh dëshmi e fakte për njeriun që mundin, djersën, gjakun dhe jetën ia kushtoi çlirimit dhe bashkimit të atdheut. Rrugëtimi i tij atdhetar është shëmbëlltyra më e mirë e njeriut që gjithçka vuri në shërbim të çështjes shqiptare. Skender Gashi braktisi begatinë e rehatinë në Austri dhe qëndroi me armë në dorë deri në çlirimin e vendit. Angazhimi i tij në strukturat drejtuese të TMK-së, si komandant i batalionit të logjistikës në Sallagrazhdë, pati ndikim në ndërtimin dhe konsolidimin e strukturave të TMK-së, si pararendëse e Ushtrisë së Kosovës. Gjurmët e tij janë të dukshme, ndërsa veprat e tij shërbejnë si shembull i përkushtimit atdhetar. Një jetë e shkurtër, por përmbajtjesore, jetë që ndryshoi jetët e të tjerëve. Liria ishte shpërblimi i këtij rrugëtimi të vështirë, të rrezikshëm e sfidues. Emri i Skender Gashit do të shkruhet me shkronja të arta në histori, ndërsa emri i tij do të kujtohet e nderohet ndër breza. Nderime dhe lavdi për jetë të jetëve, Skender Gashi!
