U mbajt takimi i Mekanizmit Komunal Kundër Dhunës në Familje

30/12/2025 Institucionet

Në Komunën e Deçanit u mbajt takimi i radhës i Mekanizmit Komunal Kundër Dhunës në Familje. Temë e këtij takimi ishte raporti i Stacionit Policor në Deçan lidhur me rastet e raportuara të dhunës në familje gjatë vitit 2025, si dhe diskutimi i draft-planit të aktiviteteve për vitin 2026.

Në takim morën pjesë anëtarët e mekanizmit ndërinstitucional, me ç’rast Koordinatorja Komunale Kundër Dhunës në Familje, znj. Ajne Iberhysaj, falënderoi të gjithë pjesëmarrësit për angazhimin, bashkëpunimin dhe kontributin e tyre të vazhdueshëm gjatë vitit 2025.

Gjatë diskutimeve u theksua rëndësia e bashkëpunimit të ngushtë ndërmjet institucioneve për parandalimin dhe trajtimin e rasteve të dhunës në familje, si dhe nevoja për sensibilizimin e opinionit publik se dhuna është e papranueshme në çdo formë.

Mekanizmi Komunal rithekson se çdo rast i dhunës do të trajtohet me prioritet, duke siguruar mbrojtje dhe mbështetje për viktimat, në përputhje me mekanizmat institucionalë dhe legjislacionin në fuqi, me synim ndërtimin e një shoqërie më të sigurt dhe më të drejtë për të gjithë.

Kontrolloni gjithashtu

Ndalimi i përdorimit të mjeteve piroteknike

Komuna e Skenderajt njofton qytetarët se, me Urdhëresë Nr. 02-352/01-0054409/25, të datës 26.12.2025, të nxjerrë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara