U mbajt takimi “Përfshirja e Grave në Listat Zgjedhore dhe Roli dhe Rëndësia e Tyre në Vendimmarrje”

18/06/2026 Institucionet

Në një atmosferë diskutimi dhe bashkëpunimi, në Malishevë u mbajt takimi me temën “Roli i Grave në Listat Zgjedhore dhe Rëndësia e Tyre në Vendimmarrje”, i organizuar nga zyrtarja për Barazi Gjinore-Vera Bytyqi.

Në këtë aktivitet morën pjesë Shefja e Kabinetit të Kryetarit – Blerta Krasniqi, zyrtarë administrativë, përfaqësues të organizatave joqeveritare, si dhe përfaqësues të subjekteve politike.

Gjatë takimit u diskutua për fuqizimin e rolit të grave në proceset vendimmarrëse, sfidat me të cilat ato përballen dhe rëndësia e përfaqësimit të barabartë në institucionet publike.

Duke theksuar nevojën për një pjesëmarrje më të madhe dhe më cilësore të grave në jetën politike, zyrtarja për Barazi Gjinore në Komunën e Malishevës, Vera Bytyqi, u shpreh se: “Përfshirja e grave në listat zgjedhore dhe në vendimmarrje nuk duhet të shihet vetëm si përmbushje e kuotës gjinore, por si një vlerë dhe domosdoshmëri për zhvillimin demokratik të shoqërisë.”

Pjesëmarrësit vlerësuan se rritja e rolit të grave në politikë dhe institucione kontribuon në vendimmarrje më gjithëpërfshirëse, më të drejtë dhe më afër nevojave të qytetarëve.

Kontrolloni gjithashtu

Edhe 6 gjoba të reja për hedhjen e mbeturinave në vende të paautorizuara dhe mosrespektimin e orarit

Inspektorati Komunal i Ferizajt po punon me përkushtim të shtuar për identifikimin dhe ndëshkimin e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara