Gjatë ditës së sotme, Drejtoria e Urbanizmit dhe Mjedisit e komunës së Ferizajt, në bashkëpunim me kompaninë INSI, prezantoi tre skenarët e Planit Zhvillimor Komunal.
Në hapje të këtij takimi, drejtori i Urbanizmit dhe Mjedisit, Arbër Bytyqi, theksoi se ky proces është tejet i rëndësishëm për zhvillimin e qytetit.
Ai bëri të ditur se prezantimi i skenarëve të Planit Zhvillimor Komunal ka për qëllim informimin e publikut lidhur me skenarët zhvillimorë të Planit Zhvillimor Komunal të Ferizajt.
Ndërkaq, Ismajl Baftijari nga kompania INSI tha se deri te prezantimi i këtyre skenarëve është arritur pas një pune të gjatë, pasi i gjithë procesi është zhvilluar në mënyrë digjitale, me synim që qytetarët ta kenë më të lehtë qasjen në informacion dhe të njihen më mirë me përmbajtjen e planit.
Pas prezantimit të skenarëve, qytetarët e pranishëm parashtruan një varg pyetjesh dhe ngritën çështje të ndryshme, për të marrë informacione më të detajuara rreth Planit Zhvillimor Komunal.
Qytetarët e interesuar mund të informohen më në detaje edhe në sallën e Kuvendit të Komunës, ku janë të ekspozuar skenarët e Planit Zhvillimor Komunal të Komunës së Ferizajt.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
