Vazhdon hapja edhe e 15 puseve në shkolla dhe fshatra të Mitrovicës

31/03/2016 Institucionet

Kryetari i komunës së Mitrovicës, Agim Bahtiri, priti në një takim përfaqësuesit e organizatës joqeveritare nga Katari “Qatar Charity”, me të cilët bisedoi për vazhdimin e kontratës për hapjen e puseve në disa institucione dhe fshatra të komunës.

Komuna e Mitrovicës dhe“Qatar Charity”, kishin nënshkruar më 19.10.2015 një marrëveshje për hapjen e 25 puseve të ujit për pije në komunën e Mitrovicës. Deri tash janë hapur 10 puse, ndërsa kanë mbetur për tu hapur edhe 15 të tjera.

Në takimin e kryetarit Bahtiri dhe përfaqësuesit e “Qatar Charity”, nënshkruan sërish një marrëveshje për bashkëpunim të mëtutjeshëm dhe për përfundimin edhe të puseve të mbetur të pa hapura.

Ata me këtë rast përcaktuan sërish obligimet konkrete të secilës palë dhe u zotuan që ato të kryhen brenda afateve të përcaktuar.

Puset do të hapen kryesisht në shkolla dhe ambulanca, si nëpër fshatra, ashtu edhe në qytet, me ç’rast do të zgjidhet problemi i ujit për pije për mijëra nxënës dhe qytetarë.

Kryetari Bahtiri, i falënderojë përfaqësuesit “Qatar Charity”, për bashkëpunimin e deritashëm dhe për punën e mirë që kanë bërë në hapjen e puseve.

Kontrolloni gjithashtu

Kryetari Haliti priti në takim zyrtarët policor të EULEX-it

Kryetari i komunës së Vitisë, Sokol Haliti ka pritur sot në takim zyrtarët policor të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara