leoni

Zëvendësministri Hoti me piktorët shqiptarë dhe të rajonit në Kalabri

18/04/2017 Institucionet

Zëvendësministri Hoti me piktorët shqiptarë dhe të rajonit në Kalabri ka vazhduar kolonia e piktorëve të peizazhit, “Bregdeti Jonian i Italisë në Telajo”, organizim që ka bërë bashkë piktorë nga Shqipëria, Kosova, Maqedonia, Mali i Zi dhe Italia.

Disa nga piktorët shqiptarë që morën pjesë në koloninë e piktorëve në Kalabri, janë Veli Blakqori, Adriana Sedaj, Tafil Peci, Bardha Buza, Shyqri Celiku, Skender Idrizi, Muhamet Ahmeti, Eshref Qahili, Arsim Kajtazi, Sejdi Kapllanaj, Rober Bibaj e Liridon Gashi.

Zëvendësministri Hoti dhe piktorët vizituan edhe vendlindjen e poetit Jeronim De Rada në Maki, saktësisht vendi  pranë kishës ku është i varrosur së bashku me djalin.

Gjithashtu, ata vizituan edhe vendlindjen e Zef Serembos, kurse, gjatë mbrëmjes së djelë, u dhanë edhe çmime e mirënjohje për 10 punimet e përzgjedhura.

Zëvendësministri Hoti, në emër të MKRS-së shpërndau mirënjohje për organizatorët e kolonisë.

Diplomë mirënjohje iu dha “Minerva Resort Club&Spa” për organizimin e shkëlqyer në mbështetje të aktivitetit kulturor të kolonisë së piktorëve, duke kontribuar në këtë mënyrë në forcimin e marrëdhënieve mes Italisë, Shqipërisë dhe Kosovës.

Mirënjohje gjithashtu iu nda edhe Institutit të Librit dhe Promocionit për ideimin dhe zhvillimin e aktiviteteve kulturore të rëndësishme që mbështetin fuqishëm promovimin e artit shqiptar figurativ në botë.

Në veçanti, mirënjohja për këtë institut u nda për organizimin dhe realizimin e Kolonisë së Piktorëve Figurativë Shqiptar nga Shqipëria, Kosova e vende të tjera të Ballkanit në jug të Italisë.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara