Reçica: Kosova do të marrë përvojat më të mira për arsim dhe aftësim profesional nga Singapori

05/12/2018 Institucionet

Në kuadër të vizitës zyrtare në Republikën e Singaporit, ministri i Punës dhe i Mirëqenies Sociale, Skender Reçica, është pritur në takim në Ministrinë e Arsimit të Singaporit nga Lian Hui dhe përfaqësues të lartë të ministrisë. Gjatë takimit, ministri u njoftua në detaje rreth sistemit të arsimimit dhe aftësimit profesional në Republikën e Singaporit, mbështetjes dhe programeve që ofron ministria, sidomos në aftësimin e të rinjve dhe fuqizimin e tyre me qëllim që të fillojnë planifikimin për karrierë, qysh nga fazat e hershme të shkollimit. Ministri Reçica u shpreh i impresionuar me sistemin e mirëfilltë të arsimimit dhe aftësimit profesional të këtij shteti dhe tha se Kosova do të përpiqet të përfitojë praktikat më të mira nga Singapori. Reçica zhvilloi takim edhe në Agjencinë e Punësimit të Singaporit, ku u informua rreth programeve dhe metodave që ata aplikojnë në aftësimin dhe riaftësimin profesional të të rinjve, avancimin e komunikimit në mes të punëdhënësve dhe punëmarrësve dhe ndërlidhjen më të mirë të tyre, si dhe mbështetjen e punëkërkuesve drejt vendeve të reja të punës dhe orientimit të duhur në karrierë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara