Kryetari Haliti priti në takim kryetarin e ri të OVL-UÇK-së në Viti, Idriz Quni

Kryetari i komunës së Vitisë, Sokol Haliti, ka pritur të hënën në takim kryetarin e ri të Organizatës së Veteranëve të Luftës së UÇK-së në Viti (OVL-UÇK), Idriz Quni i shoqëruar nga ish kryetari i deritanishëm, Abdyl Bajrami dhe nga ish-kryetari i Shoqatës së Familjeve të Dëshmorëve të UÇK-së, Qemajl Rexhepi. Me këtë rast kryetari Haliti i ka uruar atij për pozitën e marrë dhe ka falënderuar njëherit edhe kryetarin e deritanishëm z. Bajrami për bashkëpunimin ndërinstitucional. Ai po ashtu tha se është i gatshëm të vazhdoj bashkëpunimin e mirë ndërinstitucional me këtë institucion të rëndësishëm, thuhet ndër të tjera në njoftimin zyrtar të komunës.