Kryetari i Vitisë, Sokol Haliti, po merr pjesë në panairin ndërkombëtar “IFAT Munich 2026”

07/05/2026 Institucionet

Kryetari i Komunës së Vitisë, Sokol Haliti, po merr pjesë në panairin ndërkombëtar “IFAT Munich 2026”, i cili po mbahet në Munih të Gjermanisë nga 4 deri më 7 maj 2026.

Ky panair konsiderohet një nga ngjarjet më të mëdha ndërkombëtare në fushën e mbrojtjes së mjedisit, menaxhimit të mbeturinave, trajtimit të ujërave dhe teknologjive moderne për shërbimet publike.

Gjatë vizitës, Kryetari Haliti po njihet nga afër me makineritë dhe teknologjitë më bashkëkohore për menaxhimin e mbeturinave, pastrimin e qyteteve, trajtimin e ujërave të zeza, riciklimin dhe zhvillimin e infrastrukturës moderne mjedisore.

Pjesëmarrja në këtë aktivitet po realizohet në bashkëpunim me GIZ-in gjerman, të cilin Kryetari Haliti e falënderoi për mbështetjen e vazhdueshme në ngritjen e kapaciteteve të komunave në fushën e shërbimeve publike dhe zhvillimit lokal.

Gjatë qëndrimit në Munih, Kryetari Haliti pritet të zhvillojë takime me përfaqësues institucionesh dhe kompanish të ndryshme ndërkombëtare, me qëllim të krijimit të bashkëpunimeve dhe shkëmbimit të përvojave në fushën e mbrojtjes së mjedisit dhe shërbimeve moderne publike.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara