Asociacioni i Komunave të Kosovës shënon 15 vjetorin e themelimit

29/06/2016 Institucionet

Asociacioni i Komunave të Kosovës (AKK) ka shenuar 15 vjetorin e themelimit dhe të funksionimit të saj, me ç’rast ka organizuar një konferencë  me temën “16 vite të pushtetit lokal dhe roli i AKK-së”, ku pjesëmarrës ishin kryetarë të komunave të Kosovës, ambasadorë dhe shefa të organizatave ndërkombëtare.

Në konferencën e organizuar nga  Asociacioni i Komunave të Kosovës, mbajtur në Prishtinë, kryetari i Komunës së Mitrovicës, Agim Bahtiri në fjalimin e tij drejtuar të pranishmëve ka folur për qeverisjen lokale, zhvillimin ekonomik dhe problemet tjera me te cilat po përballet komuna e Mitrovicës.

Kryetari Bahtiri kërkoi nga AKK-ja që të mbështesë në mënyrë të veçantë komunën e Mitrovicës, pasi ajo ka probleme të shumta që nuk i kanë komunat tjera, e që janë si pasojë e situatës aktuale politike e të sigurisë.

Asociacioni i Komunave të Kosovës në bashkëpunim me partnerët dhe bashkëpunëtorët e vetë ka  organizuar  aktivitete katër ditore në kuadër të projektit “Java e Komunave”, ku gjatë këtyre ditëve do të mbahet edhe panairi i komunave. Ne këtë panair komunat do të prezantojnë prodhimet e veta lokale me broshura, planet e strategjisë komunale, si dhe sfidat e komunave në vitet e ardhshme.

Kontrolloni gjithashtu

U mbajt Dëgjimi i dhjetë buxhetor me focus punonjësit e Shërbimeve Publike dhe punëtorët Shëndetësorë

Cikli i dëgjimeve buxhetore nga komuna e Rahovecit të premtën vazhdoi me punëtorët e shërbimeve …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara