Bizneset lokale në lëvizje me mbështetjen e UNDP dhe Komunës së Skenderajt

07/10/2025 Institucionet

Komuna e Skenderajt, në bashkëpunim të ngushtë me Programin për Qëndrueshmëri Ekonomike të Kombeve të Bashkuara për Zhvillim (UNDP), është duke zbatuar metodologjinë In Motion, e cila synon fuqizimin dhe transformimin e bizneseve lokale përmes zhvillimit të kapaciteteve të tyre dhe përmirësimit të imazhit tregtar.

Në kuadër të këtij programi, 11 biznese përfituese nga Komuna e Skenderajt po marrin mbështetje të personalizuar përmes asistencës teknike, përmirësimit të imazhit tregtar dhe pajisjeve të nevojshme për zhvillimin e mëtejmë të aktivitetit të tyre ekonomik.

Programi ka nisur zbatimin në muajin qershor dhe do të zgjasë katër muaj. Deri më tani, është realizuar me sukses përmirësimi i imazhit tregtar të bizneseve dhe ofrimi i asistencës teknike, ndërsa aktualisht po shpërndahet pajisjet për bizneset përfituese.

Këto pajisje do të kontribuojnë drejtpërdrejt në rritjen e kapaciteteve prodhuese, zgjerimin e gamës së produktevedhe sherbimeve si dhe krijimin e vendeve të reja të punës në komunitet..

Ky bashkëpunim pasqyron përkushtimin e Komunës së Skenderajt për të nxitur zhvillimin ekonomik lokal dhe për të mbështetur ndërmarrësit vendorë në rrugën e tyre drejt rritjes dhe qëndrueshmërisë ekonomike.

Kontrolloni gjithashtu

Kryetari Latifi takoj të rinjtë e “SHL Kosova” dhe gratë nga Shoqata “Hareja”.

Kryetari i komunës së Rahovecit, z. Smajl Latifi të hënën takoj të rinjtë e Qendrës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara