Drejtoresha Krasniqi vizitoi shkollën e mesme në Kijevë dhe jep vërejtje për mos respektim të orarit

31/03/2022 Institucionet

Drejtoresha e Drejtorisë për Arsim dhe Edukim në komunën e Malishevës, Arbëreshë Krasniqi, ka vizituar Shkollën e Mesme Profesionale “Lasgush Poradeci” në Kijevë, për të parë procesin mësimor në ndërrimin e dytë. Me këtë rast, është vërejtur se ky institucion shkollor, nuk e respekton orarin dhe gjithashtu ka vërejtje edhe për drejtorin e shkollës, pasi nuk e gjen në vend të punës. “Respektimi i orarit të punës, nga i gjithë personeli mësimor është e obliguar, e po ashtu edhe mbajtja e orëve të mësimit me orar të përcaktuar është obligative, ndërsa këtu u njoftova, se orari mbahet me nga 30 minuta ora dhe kjo është e patolerueshme. Po ashtu edhe drejtori i shkollës, duhet të qëndroj në shkollë, ose kur largohet nga shkolla duhet të njoftoj drejtorinë”, ka thënë drejtoresha Krasniqi. “Se mësimi duhet të mbahet me orar të plotë, këtë njoftim ju kam dhënë me kohë, ndërsa për respektim të orarit të punës, si personeli, si drejtorët e shkollave janë të obliguar dhe në asnjë mënyrë nuk do të lejohen këto dukuri në shkollat tona”, ka thënë drejtoresha Krasniqi, e cila ka paralajmëruar se do të jepen vërejtje për të gjithë ata që nuk respektojnë orarin e punës.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara