Fermerët ferizajas furnizohen me farë misri

17/04/2016 Institucionet

Komuna e Ferizajt edhe këtë vit ka furnizuar me farë misri fermerët ferizajas.

Me këtë rast fermerët ferizajas, janë shprehur tejet të kënaqur me këtë subvencionim të komunës, ata thanë se kjo ju ndihmon mjaft shumë që arat e tyre të mos mbesin djerrin.

U bë e ditur se komuna ka ndarë sivjet rreth 25 mijë euro, ku nga kjo shumë përfituan më shumë se 900 qytetarë të Ferizajt.

Drejtori i Bujqësisë, Xhemajl Reqica tha se krahasuar me vitin e kaluar numri i përfituesve këtë vit ka qenë shumë më i madh.

“Vitin e kaluar kemi pasur 500 hektarë që i kemi shpërndarë, ndërsa sivjet janë 963 fermerë që kanë kërkuar të marrin subvencion të kësaj kulture. Do të thotë me kulturën e misrit është rritur numri më tepër se 80 %. Vlera e subvencionit është 25 mijë euro. Ne po japim një thes për një hektar, ndërsa pjesën tjetër që i’u duhet, fermerët e paguajnë vet. Afati për mbjellje është optimal, besoj që brenda javës të gjithë do ta mbjellin këtë kulturë pasi që kushtet klimatike janë shumë të përshtatshme. Sivjet e kemi ndërruar edhe rendimentin, që sipas ekspertëve është i kualitetit shumë të lartë”, tha Xhemajl Reqica.

U tha se komuna e Ferizajt, pas disa muajsh do të shpërndajnë edhe subvencionet në  sektorin blegtoral.

Kontrolloni gjithashtu

Kryetari Haliti, priti në takim të veçantë Delegatin Apostolik të Vatikanit për Kosovën, Imzot Jean-Maria Speich

Kryetari i Komunës së Vitisë, Sokol Haliti, pati një takim të veçantë me Delegatin Apostolik …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara