FILLOI PUNA NË RRUGËN BABUSH – TËRN – LUBOC – KOSHARE – SLIVOVË, FERIZAJ

04/05/2019 Institucionet

Të premten zëvendësministri i Infrastrukturës dhe Transportit Rexhep Kadriu, mori pjesë në fillimin e punimeve në asfaltimin e rrugës Babush – Tërn – Luboc – Koshare – Slivovë, Ferizaj. Zëvendësministri Rexhep Kadriu deklaroi se falë përkushtimit të ministrit Pal Lekaj dhe kreut të qeverisë Ramush Haradinaj, po fillojnë punimet për asfaltimin e kësaj rruge në mënyrë që banorëve të kësaj ane t’u mundësohet qasje më e lehtë në destinacionet e tyre. Ai shtoi se asfaltimi i kësaj rruge u jep fund pritjeve të banorëve të këtij lokaliteti, që janë shkaktuar si rezultat i procedurave të OSHP-së. Kryetari i Ferizajt Agim Aliu, duke e falënderuar ministrinë dhe angazhimin e deputetëve për realizimin e kësaj rruge me rëndësi për banorët, i falënderoi qytetarët që gravitojnë këtë rrugë për durimin dhe mirëkuptimin e treguar. Rruga Babush – Tërn – Luboc – Koshare – Slivovë, Ferizaj, është e gjatë 9.7 kilometra, ndërsa vlera e investimit është mbi 1.8 milion euro.

Kontrolloni gjithashtu

Komuna e Skenderajt shpall “Qytetar Nderi” britanikun Vaughan Smith dhe amerikanin Benito Mares

Komuna e Skenderajt në kuadër të seancës solemne me rastin e Ditës së Çlirimit ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara