Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka përkujtuar ngjarjet historike të fundit të shkurtit 1998 në Likoshan dhe Qirez, duke i cilësuar ato si fillimin e një kapitulli të ri të luftës për çlirimin e Kosovës. Përmes një postimi publik, Haradinaj theksoi se ajo ditë historike u shënua me sakrificën e heronjve Beqir dhe Rexhep Rexhepi, si dhe Naser e Muhamet Gjeli, bashkë me shumë martirë të tjerë që, sipas tij, pësuan nga hakmarrja e armikut edhe pse ishin të paarmatosur. Ai u shpreh se gjaku i tyre u shndërrua në dritë për lirinë që po afrohej, duke nënvizuar se sakrifica e tyre mbetet themel i rrugëtimit drejt çlirimit dhe shtetndërtimit të Kosovës. “Nderim përjetë të gjithë të rënëve për lirinë e Kosovës!”, ka shkruar Haradinaj, duke bërë thirrje për kujtesë dhe respekt të përhershëm ndaj dëshmorëve.
