Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe një premtim tjetër i bërë në tetorin e vitit të kaluar, nga kryetari i Komunës së Skenderajt, Fadil Nura dhe qeverisja e tij, filloi të përmbushet sot, me fillimin e punimeve për ndërtimin e poligonit të ri sportiv në lagjen “Osaj” në Klinë të Epërme. Në këtë mënyrë, sot pasdite makineria e kompanisë së kontraktuar filloi të punojë, për të zbatuar këtë projekt kapital, i cili financohet nga buxheti komunal. Për të parë nga afër nisjen e punimeve, ishin të pranishëm kryetari Fadil Nura, drejtori për Kulturë, Rini dhe Sport, Alban Berisha, ai për Urbanizëm, Driton Mulaj, banorët vendës, të rinjtë dhe nxënësit e shkollës fillore. Kryetari Nura është shprehur i lumtur që po fillon të përmbushet edhe një tjetër premtim i qeverisjes së tij. Poligoni sportiv në Klinë të Epërme është i treti më radhë që fillon të ndërtohet, pas poligoneve në Lubovec dhe Vajnik, të cilat ishin premtimet të qeverisjes aktuale të Komunës së Skenderajt.
