U bënë homazhe në Kompleksin Memorial të Dëshmorëve në Prekaz dhe në Kompleksin e Dëshmorëve në Marinë

06/03/2026 Institucionet

Në kuadër të shënimit të Epopesë së UÇK-së, sot u bënë homazhe në Kompleksin Memorial të Dëshmorëve në Prekaz dhe në Kompleksin e Dëshmorëve në Marinë.

Në këto homazhe morën pjesë Kryetari i Komunës, Sami Lushtaku, Nënkryetari Fadil Nura, Kryesuesja e Kuvendit Komunal Adelina Spahiu, zyrtarë komunalë, kryesia e PDK-së e udhëhequr nga Kryetari Bedri Hamza, deputetë të Parlamentit, komandantë e gjeneralë të luftës, si dhe qytetarë të shumtë.

Me vendosjen e kurorave me lule dhe përmes momenteve të nderimit, të pranishmit përkujtuan dhe nderuan sakrificën e dëshmorëve që dhanë jetën për lirinë dhe pavarësinë e Kosovës.

Po ashtu, u bënë nderime edhe te përmendorja e dëshmorit Miftar Rreci, si dhe u bë zbulimi i pllakës përkujtimore të OVL-UÇK-së në Llaushe.

Epopeja e UÇK-së mbetet një ndër ngjarjet më të rëndësishme të historisë sonë, duke simbolizuar qëndresën, guximin dhe sakrificën për liri.

Lavdi e përjetshme dëshmorëve të kombit.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara