Airport Adem Jashari
MIT
kek
Fillimi / Institucionet / Fjalimi i kryetarit Latifi të mbajtur në nderim të shkrimtarit dhe publicisti Sefer Pasha, autori i shumë veprave për profesor, Ukshin Hoti

Fjalimi i kryetarit Latifi të mbajtur në nderim të shkrimtarit dhe publicisti Sefer Pasha, autori i shumë veprave për profesor, Ukshin Hoti

Fjalimi i kryetarit të komunës së Rahovecit Smajl Latifi latifi të mbajtur në nderim të shkrimtarit dhe publicisti Sefer Pasha, autori i shumë veprave për profesor, Ukshin Hoti. Të respektuar familjarë të atdhetarit, politikanit, filozofit e themeltarit të shtetësisë së Kosovës Ukshin Hoti, i nderuar Sefer Pasha, autor i shumë veprave dhe shumë shkrimeve publicistike, e nderuar zonja Myrvete Kasumi- motra e profesor Ukshin Hoti, i nderuari Andin Hoti, të nderuar miq dhe bashkëshoqërues të shkrimtarit nga Shqipëria, të nderuar bashkëveprimtarë të profesorit Ukshin Hoti,  të nderuar ish- të burgosur politik, ish- ushtar të  UÇK-së, OVL- e UÇK-së, Kryetar Vajdin Berisha , shoqata “Arbëria, Kryetar z. Dervish Çadraku. I nderuar kryetar i fshatit Krushë e Madhe, Selami Hoti, i nderuari baca Ismet, të nderuar të pranishëm! Ndonëse jemi të bindur se nuk mund të themi krejt atë që ka dashur, synuar dhe idealizuar Ukshin Hoti. Profili i tij prej atdhetari, humanisti, kryengritësi, prijës i mendimit të ri politik, udhërrëfyes drejt lirisë e dinjitetit njerëzor e kombëtar, na bën të ndjehemi borxhli përherë karshi jetës dhe veprimtarisë së tij. Ukshin Hoti ishte dhe do të mbetet figura më e kompletuar, politologu e njohësi më i mirë i çështjes shqiptare, Ukshin Hoti ishte proklamuesi i parë i proceseve demokratike të viteve 80-90  në ish Jugosllavi. Duke mbrojtur demonstratat e vitit 1981, a u bë zëri i fuqishëm i arsyes, i artikulimit të qartë së kërkesave të studentëve dhe popullit të Kosovës. Pra, Ukshin Hoti,  ishte dhe mbetet mendimtari më i denjë i mendimit filozofik politik me ndikim dhe rol të madh, e për shkak të këtij qëndrimi, burgoset, si një figurë kyçe politike dhe vuan dënimin për vite të tëra deri në zhdukjen e tij pa gjurmë. Ideja e shtetformimit të Republikës së Kosovës dhe idetë e qarta për zgjidhjen e drejtë të çështjes shqiptare në Ballkan, mbajnë vulën e përhershme të politologut Ukshin Hotit. Ukshin Hoti është nga ata burra ku edhe pse në mungesë fizike të tij, figura e tij gjeniale prej mendimtari vazhdon të plotësohet dita-ditës, ndonëse nuk dihet më gjë për fatin e tij, prej tij më nuk kemi as nam e as nishan, e kjo është ironisë jonë më e madhe, zhdukja pa gjurmë e njeriut më emblematik të kohës, e atdhetarit të shquar dhe personalitetit me ndikim jo vetëm  kombëtar por edhe jashtë kufijve ku ai jetoi, studioi dhe dha kontributin e tij. Në anën tjetër mungesa e angazhimit e faktorit vendor e ndërkombëtar për zbardhjen e fatit të tij është e meta më e madhe dhe ngecja e vazhdueshme e shoqërisë së pasluftës. Figura e profesor Ukshin Hotit, mungesa fizike e tij dhe zhdukja e tij pa gjurmë, ka frymëzuar autorë të shumtë  gjithandej viseve shqiptare, duke u marrë vazhdimisht me këtë çështje aq të dhimbshme. Njërin ndër ta sot e kemi në mesin tonë. I urojmë mirëseardhje z. SEFER PASHA të cilin në bashkëpunim me anëtarët e shoqatës “ Arbëria”, e sollëm sot në qytetin e Ukshin Hotit. Sefer Pasha, ka shkruar disa vëllime kushtuar profesor Ukshin Hotit dhe motrës së tij, Myrvete Kasumi, të cilën e cilëson si “ Doruntina e ditëve tona”,  vëllime të cilat përshkruajnë jetën, veprimtarinë dhe mungesën e profesor Hotit. Në punët e autorit Pasha, pasqyrohet shkollimi i filozofit deri në universitetin e Harvardit në Amerikë, vuajtjet e Ukshin Hotit, burgimi i tij i gjatë, rrahjet, divorcet e dirigjuara nga UDB- ja, qëndrimi i pashembullt si një hero përparasecilit trup gjykues, deri te humbja e gjurmëve dhe kërkimi i motrës së tij, si një Doruntinë e vërtetë. Fakti që autori ishte pjesëmarrës në luftën e Koshares nga radhët e UÇK-së, si oficer i ushtrisë, e bën figurën e tij të kompletuar dhe njohës më të mirë të gjithë ngjarjes që ka të bëj me luftën dhe e madhështon akoma më shumë emrin e tij. Strategjia dhe përcaktimi ushtarak i Kolonelit Sefer Pasha, qe ndërtuar në parimet universale dhe konventave ndërkombëtare që rregullojnë normat e luftës dhe të drejtat e njeriut në kohë lufte, dhe UÇK-ja kishte zbatuar me përpikëri dhe përgjegjësi këto norma. Andaj sot në këtë takim, shprehim falënderim për  kontributin e dyanshëm, atë të luftës dhe të kësaj periudhe të Lirisë. Sefer Pasha – gëzofshi shëndet dhe paçi vetëm punë të mira e të suksesshme në vazhdimin e krijimtarisë tuaj!

Kontrolloni gjithashtu

Basri Sylejmani u zgjodh Kryesues i Komitetit për Arsim, Kulturë, Rini dhe Sport në Viti

Në Viti, është mbajtur mbledhja e parë e Komitetit për Arsim, Kulturë, Rini dhe Sport. ...