Komuna e Deçanit është përfituese e iniciativës WiFi4 – falas në tri lokacione

10/09/2025 Institucionet

Kryetari i komunës së Deçanit, z. Bashkim Ramosaj përmes profilit të tij në facebook, ka njoftuar se komuna e Deçanit është përfituese e iniciativës WiFi4WB, projekt i mbështetur nga Bashkimi Evropian dhe Qeveria e Republikës Federale të Gjermanisë, përmes programit EU4Digital.

Falë këtij projekti, do të vendoset rrjeti publik Wi-Fi falas në këto tri lokacione kryesore:

1.Qendra e qytetit – Deçan

Zonë e frekuentuar nga qytetarë dhe turistë, me mbulim të gjerë të hapësirës.

2.Qendra Inforumuese Turistike – Deçan

Një pikë orientuese për turistët vendorë dhe të huaj, duke u ofruar qasje në internet për të siguruar informata të nevojshme dhe të domosdoshme për aktivitetet e tyre.

3.Qendra Rinore “Fetnete Ramosaj”

Hapësirë multifunksionale me zyra, ambiente për aktivitete kulturore e sportive, si dhe pikënisje për ecje malore në Bjeshkët e Deçanit. Kjo qendër, e frekuentuar çdo ditë nga të rinjtë, do të përfitojë shumë nga ky shërbim, duke u mundësuar atyre lidhje të shpejtë e të sigurt për mësim, aktivitete rinore dhe zhvillime kreative.

Zbatimi i këtij projekti do të bëhet nga Telekomi i Kosovës – Vala, që do të kujdeset për të gjitha aktivitetet në vend.

Ky është një lajm i madh për komunën tonë dhe një hap i rëndësishëm drejt dixhitalizimit, modernizimit dhe përmirësimit të jetës së përditshme për secilin prej jush, ka shkruar në facebook, kryetari Ramosaj.

Kontrolloni gjithashtu

Mbahet dëgjimi i fundit publik për hartimin e Projektbuxhetit 2026

Kryesuesi i Kuvendit të Komunës së Ferizajt, z. Xhavit Zariqi, së bashku me anëtarët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara