Komuna e Malishevës nënshkruan memorandum bashkëpunimi me Agjencinë Kadastrale të Kosovës

17/07/2024 Institucionet

Me qëllim të zbatimit të Ligjit për Kadastër dhe udhëzimeve që rrjedhin nga ky ligj, sot është nënshkruar një memorandum bashkëpunimi ndërmjet Agjencisë Kadastrale të Kosovës dhe Komunës së Malishevës. Ky memorandum ka për qëllim rindërtimin e kadastrit në komunën e Malishevës, një projekt ky që mbështetet nga Banka Botërore dhe që përfshin katër zona kadastrale. Marrëveshja u nënshkrua nga nënkryetari i Komunës së Malishevës, Vesel Krasniqi, dhe drejtori ekzekutiv i Agjencisë Kadastrale të Kosovës, Avni Ahmeti. Projekti do të krijojë mundësinë për shqyrtimin, vendosjen e njohjes dhe formalizmin e të drejtave pronësore mbi pronat e paluajtshme, duke përfshirë edhe trashëgiminë dhe transaksionet jo formale, të cilat nuk janë kontestuese. Katër zonat kadastrale të përfshira në këtë projekt janë Carralluka, Tërpeza, Pagarusha dhe Turjaka.

Kontrolloni gjithashtu

Përkujtohen Heronjtë e kombit Agim Selmanaj dhe Hajdar Agaj

Të enjtën kryetari i komunës së Deçanit, z. Bashkim Ramosaj i shoqëruar nga bashkëpuntorët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara