Komuna e Skenderajt shpall “Qytetar Nderi” britanikun Vaughan Smith dhe amerikanin Benito Mares

19/06/2025 Institucionet

Komuna e Skenderajt në kuadër të seancës solemne me rastin e Ditës së Çlirimit ka shpall “Qytetar Nderi” dy personalitete të shquara ndërkombëtare, fotoreporterin britanik, Vaughan Smith dhe amerikanin Benito Mares.

Britaniku Vaughan Smith, fotoreporter i luftës në Kosovë, i cili arriti që mes plumbave të futet në Lagjen Jashari dhe të kapë me apartin e tij luftën e Adem Jasharit, për të shfaqur më vonë në sytë e botës tmerrin serb, përderisa dhe amerikani Benito Mares, është ideatori dhe financuesi i Kompleksit të Dëshmorëve në Morinë. Për këto arsye komuna vendosi t’i shpall në një ceremoni të veçantë Qytetarë Nderi, në ditën më historike të qytetit, 18 Qershori – Dita e Çlirimit të Komunës së Skenderajt.

Në postimin e komunës gjithashtu thuhet se pikërisht në Ditën e Çlirimit, u akordohet titulli i lartë Qytetarë Nderi të Skenderajt – respekti më i lartë që i bëhet Skenderajt, i cili e shpreh mirënjohjen e thellë për gjithçka që kanë bërë këta dy miq për qytetin e Skenderajt.

Kontrolloni gjithashtu

Në 26 vjetorin e çlirimit të Skenderajt, nëna e Adem dhe Hamëz Jasharit bëhet me shtatore

Komuna e Skenderajt ka shënuar të mërkurën 26-vjetorin e çlirimit. Me rastin e shënimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara