Kryetari Haliti inspekton punimet në projektin ndërkufitar të financuar nga Bashkimi Evropian

01/07/2025 Institucionet

Kryetari i Komunës së Vitisë, Sokol Haliti, ka vizituar nga afër punimet që po zhvillohen në kuadër të projektit ndërkufitar të financuar nga Bashkimi Evropian. Ky projekt ka për qëllim zhvillimin e infrastrukturës dhe promovimin e ekoturizmit në komunën e Vitisë.

Gjatë vizitës, kryetari Haliti pa nga afër realizimin e punimeve në ndërtimin e urës pranë mullinjve tradicionalë, si dhe fillimin e ndërtimit të trotuareve dhe argjinaturave përgjatë lumit në Grykën e Buzovikut – zonë me rëndësi të veçantë për zhvillimin turistik dhe mbrojtjen e mjedisit.

Projekti gjithashtu përfshin rregullimin e pushimoreve pranë çeshmeve tradicionale, që përbëjnë një pasuri kulturore dhe natyrore të zonës, si dhe ndërtimin e 5 gropave septike si pjesë e trajtimit të ujërave të zeza dhe përmirësimit të kushteve higjienike në përputhje me standardet ekologjike.

Kryetari Haliti u shpreh i kënaqur me ecurinë e punimeve dhe theksoi rëndësinë e këtij projekti për zhvillimin e qëndrueshëm dhe rritjen e atraktivitetit turistik të komunës.

Kontrolloni gjithashtu

Kuvendi i Komunës së Rahovecit mbajti mbledhjën e gjashtë për vitin 2025

Udhëhequr nga kryesuesi i kuvendit Arbër Zenuni, u mbajt seanca e muajit qershor, e gjashta …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara