Kryetari Haliti priti ekipin e ri ndërlidhës të KFOR-it Amerikan në Viti

26/06/2025 Institucionet

Kryetari i Komunës së Vitisë, Sokol Haliti, priti sot në një takim ekipin e ri ndërlidhës të KFOR-it Amerikan që do të veprojë në këtë komunë.

Në këtë takim, togeri i mëparshëm i ekipit ndërlidhës e njoftoi kryetarin Haliti me përbërjen e re të ekipit, i cili do të vazhdojë bashkëpunimin me institucionet komunale dhe komunitetin në Viti. Nga ana e tij, kryetari Haliti e informoi ekipin e ri për të arriturat, projektet dhe sfidat aktuale në komunën e Vitisë, duke theksuar rëndësinë e vazhdimit të bashkëpunimit të mirë me KFOR-in në funksion të sigurisë dhe stabilitetit.

Me rastin e përfundimit të mandatit të ekipit të mëparshëm, kryetari Haliti i ndau një mirënjohje udhëheqësit të deritanishëm të ekipit si shenjë falënderimi për bashkëpunimin dhe kontributin e dhënë gjatë shërbimit në komunën e Vitisë.

Kryetari Haliti vlerësoi rolin e KFOR-it në ruajtjen e paqes dhe sigurisë, si dhe mbështetjen që ofrohet për komunitetet lokale, duke theksuar gatishmërinë e institucionit që ai drejton për të vazhduar bashkëpunimin e ngushtë me KFOR-in edhe në të ardhmen.

Kontrolloni gjithashtu

Vazhdojnë diskutimet me qytetarë për hartimin e buxhetit për vitin 2026

Në kuadër të përmbushjes së obligimeve ligjore dhe me qëllim të hartimit të projekt buxhetit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara