Kryetari i Komunës së Kaçanikut Besim Ilazi, priti në zyrën e tij Drejtorin e sapozgjedhur të Qendrës Kryesore të Mjekësisë Familjare në Kaçanik doktor Sinan Zeneli.
Kryetari Ilazi uroi drejtorin për postin e ri, ndërsa tha se bashkëpunimi dhe sukseset nuk do të mungojnë në rritjen e efikasitetit si dhe krijimit të kushteve sa më të mira shëndetësore në Komunë e Kaçanikut.
Nga ana tjetër drejtori Sinan Zeneli, falënderoi Kryetarin Ilazi për pritjen, ndërsa prezantoi planprogramin e tij të punës, duke shtuar se me vullnet, bashkëpunim dhe përkushtim do ti realizohen të gjitha synimet për një shëndetësi me kushtet më të mira për qytetarët kaçanikas.
Drejtorin e ri, e përgëzoi edhe Drejtoresha për Shëndetësi dhe Mirëqenie Sociale Diana Reka, e cila tha se bashkëpunimi dhe angazhimi për punë gjithmonë do të jenë prioritete i drejtorisë që ajo drejton.