Kryetari Kastrati uron Zogajn për përfaqësimin e Kosovës në garën evropiane për siguri kibernetike – ENISA

03/10/2025 Institucionet

Kryetari i Komunës së Malishevës, Ekrem Kastrati, ka pritur sot në takim studentin Pashtrik Zogaj, i cili do të jetë pjesë e ekipit të Kosovës në garën më të madhe evropiane për siguri kibernetike, të organizuar nga Agjencia e Bashkimit Evropian për Sigurinë Kibernetike (ENISA).

Gjatë takimit, kryetari Kastrati i ka uruar Zogajt suksese në këtë garë prestigjioze, ku Kosova përfaqësohet si shtet në mesin e shumë vendeve evropiane.
“Ju uroj shumë suksese si ekip dhe juve personalisht në këtë garë, më të madhen në Evropë në fushën e sigurisë kibernetike. Është krenari për komunën tonë, kur një student i yni e përfaqëson vendin në gara të këtij niveli. Ju priftë e mbara dhe shumë suksese” ,tha kryetari Kastrati.

Nga ana tjetër, Pashtrik Zogaj e falënderoi kryetarin për pritjen dhe urimin, duke e cilësuar mbështetjen e tij si shumë motivuese dhe domethënëse për të dhe për gjithë të rinjtë që merren me teknologji dhe siguri kibernetike.

ENISA (European Union Agency for Cybersecurity) është agjencia zyrtare e Bashkimit Evropian që punon për përmirësimin e sigurisë kibernetike në nivel kontinental. Gara e saj, European Cybersecurity Challenge (ECSC), është e karakterit zyrtar dhe synon të identifikojë e zhvillojë talentet e reja në këtë fushë.

Kosova këtë vit përfaqësohet nga ekipi “Kosovo Cyber Team”, pjesë e të cilit është edhe studenti Pashtrik Zogaj nga Malisheva.

Kontrolloni gjithashtu

Pensionohet mësimdhënësi dhe drejtori Franë Gjergji, nderohet me mirënjohje nga kryetari Haliti

Pas një karriere të gjatë në arsim, mësimdhënësi dhe drejtori i shkollës “Don Mikel Tarabulluzi”, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara