Kryetari Latifi nderon me dekoratën “Medalja e lirisë”, veprimtarin Hamëz Kryeziun

09/07/2026 Institucionet

Kryetari i komunës së Rahovecit, z. Smajl Latifi ka nderuar me dekoratën komunale “Medalja e lirisë”, ish të burgosurin politik, Hamëz Kryeziun nga Fshati Reti.

“Pata kënaqësinë ta pres veprimtarin e hershëm të çështjes kombëtare, ish – të burgosurin politik, Hamëz Kryeziun nga Retia, i cili tërë jetën ia kushtoi rrugës së lirisë. Kontributi i madh i tij në luftën çlirimtare dhe plagët e rënda që ka marrë në betejën që zgjati tetë ditë e tetë net, në vijën e frontit nga Semetishti deri në Shkozë, mbi kodrat e Dobërdolanit, ku ranë dëshmorë Enver Duraku (që u përjetësua nga plagët e rënda, në fillim të prillit 1999 në spitalin ushtarak të Pagarushës dhe Shefki Thaçi, si dhe bashkëluftëtarë të tjerë, e bëjnë unik këtë atdhetar të devotshëm. Prandaj, me kënaqësi ia dorëzova dekoratën komunale “Medalja e lirisë”, që iu dha më 14 qershor 2026, duke e përgëzuar për kontributin atdhetar dhe për përkushtimin e tij për ruajtjen e kultivimin e vlerave tona kombëtare”, thuhet në postimin në Facebook, të kryetarit të Rahovecit, z. Smajl Latifi.

Kontrolloni gjithashtu

Thirret mbledhja e Komitetit për Politikë dhe Financa, e gjashta për Vitin 2026

Ftohen anëtarët e Komitetit për Politikë dhe Financa (KPF) të KK Rahovec, që të marrin …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara