Kryetari Smajl Latifi, në 26-vjetorin e përjetësimit, nderoj kujtimin për ata që dhanë jetën e tyre për lirinë e Kosovës

26/05/2025 Institucionet

Kryetari i komunës së Rahovecit, z. Smajl Latifi, i shoqëruar nga bashkëpunëtorët, veteranët dhe familjarët e të rënëve për liri, sot, në varrezat e dëshmorëve në Rahovec dhe te lapidari në Hamoc, në 26-vjetorin e përjetësimit, nderuan kujtimin për ata që dhanë jetën e tyre për lirinë e Kosovës.

“Me bashkëpunëtorë, veteranë dhe familjarë të të rënëve për liri, sot, në varrezat e dëshmorëve në Rahovec dhe te lapidari në Hamoc, në 26-vjetorin e përjetësimit, nderuam kujtimin për ata që dhanë jetën e tyre për lirinë e Kosovës.

Dëshmorët Bekim Sylka, Besim Kabashi dhe Avni Thaçi, me veprën e tyre kanë gdhendur përgjithmonë emrat e tyre në kujtesën e kombit, jo vetëm si luftëtarë të lirisë, por edhe si simbol i guximit, sakrificës dhe dashurisë për atdheun.

Bekim Sylka nuk u kthye nga mërgimi për të parë lirinë, por luftoi trimërisht për ta fituar atë. Ai ra heroikisht më 26 maj 1999, në betejën e përgjakshme të Hamocit, duke hyrë përgjithmonë në historinë e lirisë sonë”, ka shkruar në Facebook, kryetari Smajl Latifi.

Lavdi dëshmorëve të kombit!

Kontrolloni gjithashtu

Nesër më 23 tetor promovohet libri “Në emër të gjakut” të autorit Ahmet Prençi

Komuna e Deçanit nën përkujdesjen e kryetarit, z. Bashkim Ramosaj ju fton të merrni pjesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara