Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Rahovecit z. Idriz Vehapi, ka pritur në takim z. Ramadan Rama, koordinator i OJQ-së “Humaniteti” dhe z. Haxhi Hoxha, koordinator i OJQ-së “Handikos”, të cilët veprojnë në Komunën e Rahovecit.
Kryetari Vehapi, falënderoi për vizitën e bërë, dhe tha se e vlerësoj shumë punën të cilën jeni duke e bërë. Po ashtu i premtoj se do të ju dalë në ndihmë edhe këtë vit, sikurse edhe viteve të tjera për realizimin e aktiviteteve të cilët i organizoni.
Koordinatorët e të dy OJQ-ve, falënderuan kryetarin për pritjen e bërë, dhe për mbështetjen e vazhdueshme të dhënë në projektet dhe aktivitetet të cilat i organizojnë e që kanë të bëjnë me ndihmë të personave me nevoja të veçanta në Komunën e Rahovecit.
Në shenjë falënderimi për mbështetjen e dhënë nga Komuna e Rahovecit për përkrahjen e projektit të shërbimeve ditore në familje për fëmijë dhe të rritur me aftësi të kufizuara, kryetari Vehapi, pranoi një mirënjohje nga të dy koordinatorët e të dy OJQ-ve.
