Latifi: Sot për tokën, çdo ditë për të ardhmen!

22/04/2025 Institucionet

Kryetari i komunës së Rahovecit, z. Smajl Latifi bashkë me fëmijët e çerdhes “Tulipanët” në Rahovec, kanë mbjellur lule dhe pemë në oborrin e çerdhes, në shënim të 22 prillit – Dita Ndërkombëtare e Tokës.

Fëmijët, përmes këtij aktiviteti, mësojnë rëndësinë e kujdesit për natyrën dhe të mbrojtjes së mjedisit, ka thënë kryetari Latifi.

Më pas, kryetari Latifi ka marrë pjesë në aktivitetin e organizuar nga Shoqata Humanitare Kosova, ku bashkë me të rinjtë diskutoj për sfidat mjedisore, angazhimin e tyre dhe përkushtimin institucional për të çuar përpara projektet e gjelbra.

Pas kësaj, me bashkëpunëtorët e tij kryetari Latifi vizitoj edhe punëtorët e Kompanisë Rajonale të Pastrimit “Ekoregjioni”, të cilët po bëjnë pastrimin e hapësirave përgjatë rrugës rajonale në drejtim të Malishevës.

Çdo hap i vogël që bëjmë sot ka ndikim të madh nesër. Le të angazhohemi çdo ditë për mbrojtjen e mjedisit dhe të krijojmë një botë më të pastër e më të shëndetshme për të gjithë ne, ka deklaruar i pari i komunës së Rahovecit, z. Smajl Latifi.

Kontrolloni gjithashtu

Rama: KRM “Pastrimi” ndodhet në një gjendje të rënduar për shkak të keqmenaxhimit të vazhdueshëm

Kompania Rajonale e Mbeturinave “Pastrimi” ndodhet në një gjendje të rënduar për shkak të keqmenaxhimit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara