Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me nderime të larta institucionale dhe homazhe te varret e dëshmorëve Fehmi e Xhevë Lladrovci, sot është shënuar 24 vjetori i rënies së tyre në altarin e lirisë. Me këtë rast, delegacione të shumta dhe zyrtarë të lartë, përfaqësues të shoqatave të dala nga lufta, bashkëluftëtarë e familjarë, kanë bërë homazhe në kompleksin e dëshmorëve në Gllanasellë të Drenasit, ku janë varrosur Fehmi e Xhevë Lladrovci. Në mesin e delegacioneve, ishte edhe ai i Komunës së Skenderajt, i udhëhequr nga kryetari Fadil Nura, nënkryetari Sami Lushtaku, drejtorë komunalë dhe të tjerë. Fehmi e Xhevë Lladrovci ranë që të dytë duke luftuar përballë policisë dhe ushtrisë serbe, gjatë ofensivës së shtatorit të vitit 1998.
