Me nderime e homazhe u përkujtua 21 vjetori i humbjes së jetës së 15 maturantëve të Malishevës

14/10/2025 Institucionet

Të martën u përkujtua 21 vjetori i ngjarjes më tragjike në Kosovën e pasluftës, ku në një aksident tragjik në Fushë Arrëz të Shqipërisë humbën jetën 15 maturantë të Gjimnazit “Abdyl Frashëri” nga Malisheva.

Në shenjë respekti e kujtimi, janë zhvilluar nderime dhe homazhe në vendin e ngjarjes në Fushë Arrëz, si dhe te varrezat e tyre në “Lëndinën e lotëve” në Malishevë.

Kryetari i Komunës së Malishevës, z. Ekrem Kastrati, i shoqëruar nga familjarë të maturantëve, ish nxënës, ish profesorë dhe zyrtarë të tjerë komunalë, së bashku me zyrtarë të Bashkisë së Fushë Arrëzit, kanë bërë homazhe në vendin ku ka ndodhur aksidenti.

Ndërkaq, në “Lëndinën e lotëve” në Malishevë, nënkryetari i Komunës, z. Vesel Krasniqi, së bashku me zyrtarë të tjerë komunalë, familjarë të maturantëve, profesorë dhe nxënës të Gjimnazit “Hamdi Berisha”, kanë bërë homazhe dhe kanë nderuar kujtimin e 15 maturantëve, të cilët prehen në këtë vend.

Kontrolloni gjithashtu

Kryetari Agim Aliu me bashkëpunëtorë me homazhe nderuam kujtimin e veprën heroike të Dëshmorëve të Kombit

Kryetari i komunës së Ferizajt, z. Agim Aliu me bashkëpunëtorë në kuadër të shënimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara