Në 26 vjetorin e çlirimit të Skenderajt, nëna e Adem dhe Hamëz Jasharit bëhet me shtatore

18/06/2025 Institucionet

Komuna e Skenderajt ka shënuar të mërkurën 26-vjetorin e çlirimit.

Me rastin e shënimit të kësaj dite në Skenderaj është zbuluar shtatorja e Zahide Jasharit, nëna e Adem dhe Hamëz Jasharit.

Në ceremoninë e zbulimit të kësaj shtatoreje kanë marrë pjesë drejtuesit e Komunës së Skenderajt, kryetari Fadil Nura, Nënkryetari, Sami Lushtaku, kryesuesja e Kuvendit komunal, znj. Adelina Spahiu, përfaqësues të shoqatave të dala nga lufta e UÇK-së dhe qytetarë të shumtë.

“Ceremonia e zbulimit të shtatores së nënës Zahide, sot në Ditën e Çlirimit të Skenderajt, në një ngjarje madhështore, me respektin e lartë për atë që i lindi, i rriti e i bëri zotë të kësaj toke Adem e Hamëz Jasharin. Lavdi deri në përjetësi, Nënës Zahide!”, thuhet në postimin në facebook, të komunës së Skenderajt.

Kryetari i komunës së Skenderajt z. Fadil Nura në profilin e tij në facebook, ka shkruar:

Në ditën e çlirimit të Skenderajt, në hapësirën publike të çerdhës, do të përkulemi jo thjesht para një skulpture, por para një shpirti që rrëzaton përjetësi, para Nënës Zahide, që nuk ishte vetëm nënë e Adem e Hamëz Jasharit, por nënë e një kombi”.

Kontrolloni gjithashtu

Agim Aliu pret Çekun, diskutojnë për investimet në Ferizaj

Kryetari i komunës së Ferizajt, z. Agim Aliu ka pritur në takim, ministrin në detyrë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara