leoni

Nënkryetari Nura ka ndarë mirënjohje për kontribut të veçantë në fushën e kulturës

19/06/2017 Institucionet

Nënkryetari i Komunës së Skenderajt Fadil Nura me rastin e Ditës së Çlirimit të Skenderajt dhe duke çmuar punën e personaliteteve të Skenderajt në fushën e kulturës, ka ndarë mirënjohje për kontribut të veçantë në këtë fushë. Me mirënjohje janë nderuar këngëtari dhe kultivuesi i muzikës burimore Shaban Baksi dhe skenaristi dhe aktori Dibran Fylli. Me rastin e ndarjes së mirënjohjeve për të dy personalitetet Nënkryetari Nura i ka falënderuar ata për kontributin e madh, të vazhdueshëm dhe të gjatë që kanë dhënë në fushën e kulturës, përkatësisht të muzikës dhe artit skenik. Nura tha po ashtu se kjo është një përkrahje e vogël morale, krahasuar me kontributin që kanë dhënë të dy personalitetet në ngritjen e nivelit të kulturës së Skenderajt dhe Kosovës. Baksi dhe Fylli e kanë falënderuar Komunën e Skenderajt dhe Nënkryetarin Nura për kujdesin e treguar, duke theksuar se ndihen të nderuar që po çmohet puna dhe kontributi i tyre. Shaban Baksi u nderua me motivacionin “Për kontribut të veçantë në fushën e muzikës dhe kultivimin e saj”, ndërsa Dibran Fylli me motivacionin, “Për kontribut të veçantë në fushën e artit skenik gjatë periudhës së luftës së UÇK-së”.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara