Nën tingujt e çiftelisë, sharkisë dhe zërin e ëmbël të rapsodëve dhe grupeve të folklorit nga katër anët e shqiptarisë, nisi Festivali Folklorik Gjithëkombëtar “Rapsodia Shqiptare Skenderaj 2022”, një nga ngjarjet më të mëdha kulturore që për 17 vite radhazi, në nderim të festave kuq e zi të nëntorit, e vazhdon traditën e folklorit dhe bashkimit të rapsodëve nga mbarë trevat shqiptare. Komuna e Skenderajt ju uron mirëseardhje ansambleve dhe këngëtarëve, si nikoqir i këtij festivali gjithëkombëtar!