Një projekt i madh energjetik, që po merr jetë në Zatriq

23/02/2026 Institucionet

Një projekt i madh energjetik, që po merr jetë në Zatriq, po shndërrohet në një mundësi reale zhvillimi për komunën te Rahovecit dhe për banorët e zonës.

Kryetari i komunës së Rahovecit, z. Smajl Latifi për këtë qëllim ka pritur në takim auditorët mbikëqyrës të kompanisë ndërtuese, Greg McAlister dhe Daniel Mc Gahey nga RSK Group, të shoqëruar nga Savash Demirden nga Çalık Group, si dhe Ylber Shamolli dhe Bekim Jakupi nga Eurokos.

Në këtë takim është diskutuar për ecurinë e investimeve në turbinat me erë, për përfitimet konkrete që ky projekt do t’i sjellë Rahovecit, vende të reja pune, angazhim të bizneseve lokale dhe investime përcjellëse në infrastrukturë.

Kryetari Latifi ka theksuar se koordinimi i ngushtë ndërmjet Komunës, investitorëve dhe auditorëve mbikëqyrës është kyç që projekti të realizohet sipas planit dinamik dhe standardeve lokale e ndërkombëtare. Ky është investim në energji të pastër, por mbi të gjitha, investim në të ardhmen e komunës së Rahovecit.

Kontrolloni gjithashtu

Bashkëpunimi që sjell rezultate

Kryetari i komunës së Prishtinës, z. Përparim Rama ka pritur të premtën në takim në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara