Për shkak të motit të keq anulohet mësimi në të gjithë shkollat në Prishtinë

18/11/2025 Institucionet

Komuna e Prishtinës ka njoftuar për anulimin e procesit mësimor në të gjithë shkollat e Prishtinës, shkaku kushteve të pafavorshme atmosferike.

Ky vendim është marrë si masë preventive për garantimin e sigurisë së fëmijëve tanë.

Gjithashtu, Kryeqyteti ka aktivizuar Shtabin Emergjent për menaxhimin e situatës dhe garantimin e sigurisë publike.

“Të nderuar qytetarë, drejtues të institucioneve edukativo-arsimore dhe prindër,
Për shkak të kushteve të pafavorshme atmosferike, reshjeve të dendura të shiut dhe situatës së rënduar në komunikacion, në koordinim me Drejtorinë e Sigurisë dhe Emergjencave, Drejtorinë e Shërbimeve Publike dhe drejtorët e shkollave, ju njoftojmë se procesi mësimor për ditën e sotme anulohet. Ky vendim është marrë si masë preventive për garantimin e sigurisë së fëmijëve tanë”, thuhet në njoftim.

“Ju lutemi të ndiqni me kujdes udhëzimet zyrtare dhe të shmangni lëvizjet e panevojshme deri në stabilizimin e kushteve. Për çdo rast emergjent, ju lutemi kontaktoni Qendrën Operative Emergjente të Kryeqytetit në numrat: 📞 0800 122 33 📞 0800 122 44”.

Kontrolloni gjithashtu

U mbajt Takimi me Biznese nga Diaspora

Në Ferizaj u mbajt Takimi me Biznese nga Diaspora, i organizuar nga Komuna e Ferizajt …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara