Përkujtohet atdhetari Latif Berisha

24/03/2017 Institucionet

Kryetari i komunës së Mitrovicës, Agim Bahtiri dhe nënkryetari Faruk Mujka, me bashkëpunëtorë të tjerë, kanë bërë homazhe pranë varrit të atdhetarit të shquar Latif Berishës, në Smrekonicë

Më këtë rast kryetari i komunës së Mitrovicës Agim Bahtiri, ka vlerësuar lartë figurën e Latif Berishës.

Ai tha se Latif Berisha, është intelektuali i parë shqiptarë që u vra nga policia serbe menjëherë pas fillimi të bombardimeve të caqeve serbe nga NATO-ja.

“Figura e profesor Latif Berishës është një figurë shumë e nderuar dhe e respektuar nga të gjithë. Ai në kohën e okupimit klasik të Kosovës nga Serbia, u shqua për angazhim dhe përkushtim të palodhshëm për çështjen kombëtare, për organizimin e jetës së përditshme dhe institucionale të qytetarëve të Mitrovicës, jashtë institucioneve të okupatorit. Në veçanti ishte angazhuar për organizimin e ndihmave për pjesëtarët e UÇK-së ”, tha ai.

Më 24 mars 1999, në natën e parë të bombardimeve të forcave të NATO-s  mbi caqet serbe në Mitrovicë, kriminelët serbë e vranë profesor Latif Berishën, në pragun e shtëpisë së tij, në pjesën veriore të qytetit, prej nga qëllimisht nuk ishte larguar, edhe pse të gjithë i kishin sugjeruar që të largohej nga atje, për shkak se për veprimtarinë e tij patriotike ishte bërë halë në sy të policisë serbe.

Kontributi i Latif Berishës, për çështjen kombëtare, në fushën e arsimit, shkencës, kulturës etj, ka qenë shumë i madh.

Vepra e tij poetike e shkencore zë vend të rëndësishëm në letërsinë dhe shkencë.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara