Punësohen 70 doktorë dhe infermierë të rinj, në komunën e Mitrovicës

19/04/2016 Institucionet

 Kryetari i komunës së Mitrovicës, Agim Bahtiri dhe drejtori i Drejtorisë së Shëndetësisë, Muhedin Osmani, takuan 70 doktorët dhe infermierët  e rinj nga komuna e Mitrovicës të cilët nga e mërkura do të fillojnë punën në QKMF Mitrovicë.

Në bashkëpunim me CARITAS-in do të fillojnë punën 70 doktorë dhe infermierë nëpër qendrat e mjekësive familjare në komunën e Mitrovicës.

Kryetari Bahtiri, pasi uroje të gjithë këta të rinj, foli edhe për rendësin e  këtij projekti i cili  synon që përmes angazhimit të doktorëve dhe infermierëve të shtoi efikasitetin dhe cilësinë e shërbimeve për qytetarët e komunës së Mitrovicës. Në fjalën e dhënë kryetari, Bahtiri, kërkoi përkushtim dhe ndihmë sa më cilësore për pacientët dhe qytetarët që kanë nevojë për shërbime mjekësore.

Ndërsa drejtori i Shëndetësisë, Muhedin Osmani, tha se përfituesit e këtij projekti  duhet ta duan punën, të ofrojnë profesionalizëm dhe mirësjellje në raport  me shërbimet e nevojshme mjekësore për pacientët.

Komuna e Mitrovicës do të vazhdojë edhe me tutje  angazhimin e saj në fushën e shëndetësisë dhe në përmirësimin e jetës së qytetarëve të saj.

Kontrolloni gjithashtu

Drejtoria e Bujqësisë në Viti inspekton përgatitjet për fushatën e korrje-shirjeve

Në prag të nisjes së fushatës së korrje-shirjeve, Drejtoria për Bujqësi, Pylltari dhe Zhvillim Rural …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara