Ramë Oraca fitues i çmimit të parë të Orës së madhe “Flakadani i Karadakut”

Është mbajtur të mërkurën edicioni i 24 i Orës së madhe letrare, në kuadër të Manifestimit Tradicional Kulturor e Sportiv “Flakadani i Karadakut”. Këtë edicion e hapi kryetari i Shoqatës së Shkrimtarëve dhe Krijuesve “Ramadan Musliu” në Viti, Fadil Abazi, ndërsa të pranishmit në emër të Institucioneve komunale i përshëndeti zv.kryetari i komunës së Vitisë, Hasan Aliu.  Vendin e parë, juria profesionale i ndau poetit Ramë Oraca për poezinë “Rapsodi për 1432 engjëjt. Vendi i dytë i takoi Bajramali Selimi me poezinë “Pesha e Flamurit” dhe vendi i tretë Mimoza Zejnullahut me poezinë “Përgjithmonë”. Ndërsa çmimi “Flakadani i Karadakut” i’u nda poetit Sabit Rrustemi.  Manifestimi “Flakadani i Karadakut” do të përmbyllet sonte me natën finale të festivalit të këngëve dhe valleve, ku edhe do të ndahen çmimet për ansamblet garuese.

Kontrolloni gjithashtu

Nesër më 23 tetor promovohet libri “Në emër të gjakut” të autorit Ahmet Prençi

Komuna e Deçanit nën përkujdesjen e kryetarit, z. Bashkim Ramosaj ju fton të merrni pjesë …