leoni

SHFMU ” Isa Boletini” në Rahovec organizon fushatë kundër pirjes së duhanit

Në kuadër të “Ditës Botërore Kundër Pirjes së Duhanit”, SHFMU ” Isa Boletini” në Rahovec, në bashkëpunim me QKMF ” Fahredin Hoti “, kanë organizuar fushatë kundër pirjes së duhanit, të cilën temë para nxënësve e ligjëroi Dr. Qazim Cana, koordinator në Qendrën Komunale të Mjekësisë Familjare.

Lidhur me temën ” Arsyeja e tymosjes së duhanit dhe metodat për lënien e tij”, Cana thotë para nxënësve se duhani është vdekjeprurës, i cili më së shumti dëmton mushkëritë e njeriut duke shkaktuar cirozën, shkakton sëmundjet e zemrës, duke mbyllur kapilaret për shkak të katranit i cili është përmbajtës i duhanit me nikotinën.

Në vazhdim, Cana thotë se qëndrimi i prindërve ndaj fëmijëve është shumë i rëndësishëm në parandalimin e pirjes së duhanit. Rreziqet janë të shumta nga pirja e duhanit, vdekshmëria e hershme, vartësia ndaj duhanit, rritja e vdekshmërisë nga karcinomi, rrezikohen shtatzënat, dhe në qarkullimin e gjakut.

Në fund, Cana u rekomandoi nxënësve të largohen nga ambientet ku po pihet duhani, kurse nxënësit të cilët ishin prezent, treguar njohuritë të konsideruara për dëmet që shkakton pirja e duhanit.

Në kuadër të fushatës, janë lexuar esetë me temën kundër pirjes së duhanit, si dhe janë ekspozuar vizatime me këtë temë.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …