Smajl Latifi: Kosovës i duhet lidership i fortë që qëndron krah Ramush Haradinajt

13/12/2025 Institucionet

Kryetari i Komunës së Rahovecit, z. Smajl Latifi, ka deklaruar se Kosova ka nevojë për një lidership të vendosur dhe të përgjegjshëm, duke theksuar se një qeverisje e tillë është e mundur vetëm me Ramush Haradinajn në krye të ekzekutivit. Latifi, së bashku me kandidatin për kryeministër nga Aleanca për Ardhmërinë e Kosovës, Ramush Haradinaj, si dhe kandidatët për deputetë nga Rahoveci, zhvilluan një takim me banorët e Krushës së Madhe, Ratkocit, Çifllakut dhe fshatrave përreth. Ai tha se takimet në terren po reflektojnë besim të lartë qytetar dhe gatishmëri të komunitetit për të mbështetur një vizion të qartë për zhvillim, stabilitet dhe institucione që punojnë çdo ditë në shërbim të qytetarëve. “Atmosfera ishte motivuese, plot energji, besim dhe përkushtim për ta çuar përpara një vizion të qartë për Kosovën, për institucione që qëndrojnë krah qytetarëve,” u shpreh Latifi. Sipas tij, momentum i tillë është dëshmi se qytetarët kërkojnë ndryshim dhe lidership të konsoliduar, të aftë ta drejtojë vendin me vendosmëri dhe përgjegjësi.

Kontrolloni gjithashtu

Vitia dhe “KosEd” thellojnë bashkëpunimin për përmirësimin e cilësisë së arsimit

Kryetari i Komunës së Vitisë, Sokol Haliti, së bashku me stafin komunal dhe Drejtoreshën e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara