Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të rinjtë ferizajas, çdo ditë po lartësojnë e bëjnë krenarë jo vetëm Ferizajn por edhe Republikën e Kosovës në sporte të ndryshme. Të tilla janë edhe vajzat e klubit më të vjetër të volejbollit në Ferizaj KV “Kastrioti” – Femrat, të cilat u shpallën javë më parë kampione të Kupës Ballkanike në U22 e që po ashtu janë kampione të shumëfishta në garat vendore. Me këtë rast kryetari i komunës së Ferizajt Agim Aliu, në një takim të veçantë i ka takuar kampionet Yllka Jashari, Melirona Abdullahu, lojtaren e re, kampione në U18, Sara Piraj, e më themeluesin e klubit Abedin Ibrahimi, trajnerët Vildane Jashari e Kujtim Ilazi, për të diskutuar bashkërisht për zhvillimin e sportit, sukseset dhe sfidat e rezultatet premtuese të këtij klubi që meritojnë mbështetje jo vetëm institucionale.
